កំពង់ស្ពឺ៖ នារសៀលថ្ងៃទី១៦ ខែធ្នូ ឆ្នាំ២០២៤ ខេត្តកំពស់ស្ពឺ បានប្រារព្ធកិច្ចប្រជុំបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារឆ្នាំ២០២៥ របស់ក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ ក្រោមអធិបតីភាព ដ៏ខ្ពស់ខ្ពស់របស់ឯកឧត្តម ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋាន ខេត្តកំពង់ស្ពឺ នៅអគាររដ្ឋបាលខេត្តសាលប្រជុំ យឹម សុខុម ។
មានប្រសាសន៍នាឱកាសនោះ ឯកឧត្តមឧបនាយករដ្ឋមន្ត្រី ហ៊ុន ម៉ានី បានក្រើនរំឭកដល់ក្រុមការងារថ្នាក់ជាតិ និងថ្នាក់ក្រោមជាតិ ឱ្យខិតខំ និងរួមគ្នាអនុវត្តការងារឱ្យកាន់ខ្លាំងក្លាបន្ថែមទៀត ដើម្បីធ្វើយ៉ាងណាឱ្យយន្តការនៃការដឹកនាំរបស់រាជរដ្ឋាភិបាលក្នុងអាណត្តិទី៧នេះ ទទួលបានផ្លែផ្កា និងសម្រេចបាននូវគោលដៅយុទ្ធសាស្ត្របញ្ចកោណ។ ការក្រើនរំឭកនេះធ្វើឡើងក្នុងកិច្ចប្រជុំបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារឆ្នាំ២០២៥របស់ក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ នារសៀលថ្ងៃទី១៦ ខែធ្នូ ឆ្នាំ២០២៤ នៅអគាររដ្ឋបាលខេត្តសាលប្រជុំ យឹម សុខុម។
ឯកឧត្តមឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ បានលើកឡើងថា រាជរដ្ឋាភិបាលបានដាក់ចេញនូវផែនការយុទ្ធសាស្ត្រអាទិភាពជាច្រើន ដើម្បីធ្វើយ៉ាងណាប្រទេសជាតិមានការអភិវឌ្ឍន៍ រីកចម្រើន ពិសេសជ្រោងជីវភាពរស់នៅរបស់ប្រជាពលរដ្ឋឱ្យកាន់តែប្រសើរឡើង។ រាជរដ្ឋាភិ បាល នឹងកំពុងកំណត់គោលដៅជាក់លាក់មួយ ដើម្បីចាក់ចេញផុតពីប្រទេសអភិវឌ្ឍន៍តិចតួចក្នុងឆ្នាំ២០២៧ ហើយកំពុងដើរឆ្ពោះទៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០។ ដូចអ្វីដែលបានដាក់ចេញជាគោលដៅនៃការអភិវឌ្ឍប្រកបដោយចីរភាព និងផែនការយុទ្ធសាស្ត្ររបស់រាជរដ្ឋាភិបាលកម្ពុជា បានកំណត់ចក្ខុវិស័យក្នុងការប្រែក្លាយកម្ពុជាឱ្យក្លាយជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងមានចំណូលកម្រិតខ្ពស់នៅឆ្នាំ២០៥០។
ឯកឧត្តមឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ ក៏បានវាយតម្លៃខ្ពស់ចំពោះការខិតខំប្រឹងប្រែរបស់ក្រុមការងារថ្នាក់ជាតិ និងថ្នាក់ក្រោមជាតិ ចុះតាមមូលដ្ឋានដែលបានកសាងទំនុកចិត្តនិងការសង្ឃឹមខ្ពស់ចំពោះប្រជាពលរដ្ឋមកលើការដឹកនាំរបស់រាជរដ្ឋាភិបាល។ សូមបន្តយកចិត្តទុកដាក់បន្ថែមទៀត ហើយត្រូវដោះស្រាយ ឆ្លើយតបចំពោះសំណូមពរនិងបញ្ហាប្រឈមនានាជូនបងប្អូនប្រជាពលរដ្ឋបន្តទៀតផងដែរ។ជាងនេះត្រូវបន្តអនុវត្តកិច្ចការងារមួយចំនួនទៀត ដែលរាជរដ្ឋាភិបាលអាណត្តិទី៧នៃរដ្ឋសភានេះបានសម្រួចទៅលើទិសដៅ២ក្នុងចំណោមទិសដៅ៥គឺការបង្កើនប្រាក់ចំណូលឱ្យបានដល់ដៃប្រជាពលរដ្ឋនិងការជំរុញកំណើនសេដ្ឋកិច្ចតាមរយ:រូបភាពផ្សេងៗ ឱ្យទៅដល់ប្រជាជនពិសេសគឺបង្កើនការទាក់ទាញអ្នកវិនិយោគបន្ថែមលើវិស័យឧស្សាហកម្ម កសិឧស្សាហកម្ម ទេសចរណ៍ដើម្បីបង្កើតឱកាសការងារ បន្ថែមប្រាក់ចំណូលផងដែរ៕
