កំពង់ស្ពឺ៖ ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ និងលោកជំទាវ បានដឹកនាំប្រតិភូ អញ្ជើញជាអធិបតីភាពក្នុងពិធីសំណេះសំណាល និងសាកសួរសុខទុក្ខដល់នាយទាហាន នាយទាហានរង និងពលទាហាន នៅក្នុងកងឯកភាពតំបន់ប្រតិបត្តិការសឹករងកោះកុង ដែលកំពុងឈរជើងការពារតាមខ្សែបន្ទាត់ព្រំដែនកម្ពុជា-ថៃ កោះកុង និងនាំយកអំណោយសម្តារៈ ស្បៀង គ្រឿងឧបភោគ បរិភោគ និងថវិកាសម្រាប់ប្រគល់ជូនដល់ មេបញ្ជាការយោធភូមិភាគទី៣ និងតំបន់ប្រតិបត្តិការសឹករងកោះកុង នាថ្ងៃទី២១ ខែសីហា ឆ្នាំ២០២៥។
ឆ្លៀតក្នុងឱកាសនោះដែរ ឯកឧត្តមបណ្ឌិអភិបាល បានមានប្រសាសន៍ថា កងទ័ពជាខឿនការពារជាតិដ៏រឹងមាំមិនអាចខ្វះបាន ក្នុងនាមសម្ព័ន្ធមេត្រីជាមួយកងទ័ព យើងនឹងជួយសហការជាមួយកងទ័ពជួរមុខ ការពារព្រំដែនជានិច្ចទោះក្នុងកាលៈទេសណាក៏ដោយ ការបង្កើតឱ្យមានការចងសម្ព័ន្ធមេត្រីជាមួយរវាងសមរភូមិមុខ និងសមរភូមិក្រោយនេះ គឺបានមកពីគំនិតផ្តួចផ្តើមដ៏ខ្ពង់ខ្ពស់បំផុតរបស់សម្តេចតេជោ ហ៊ុន សែន អតីតនាយករដ្ឋមន្ត្រី និងបន្តមកក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា គឺបានគិតគូរយកចិត្តទុក ដាក់ឧបត្ថម្ភគាំទ្រ និងផ្គត់ផ្គង់គ្រប់បែបយ៉ាងដល់ កងទ័ពកម្ពុជាពុំឱ្យមានការខ្វះខាតនោះឡើយ។
ឯកឧត្តមបណ្ឌិត បានថ្លែងអំណរអរគុណដល់សប្បុរសជនក្នុងខេត្តកំពង់ស្ពឺដែលបានចូលរួមជាសម្ភារៈបរិក្ខារ គ្រឿងឧបភោគ បរិភោគ ថវិកា ជាច្រើនផ្តល់ជូន កងទ័ពជួរមុខទិសខាងកោះកុងដែលបាននឹងកំពុងខិតខំតស៊ូការពារ បូរណភាពទឹកដី នៅតាមបន្ទាត់ព្រំដែន កម្ពុជា-ថៃនាថ្ងៃនេះ ស បញ្ជាក់ឱ្យឃើញថាប្រជាពលរដ្ឋកងកម្លាំងមិនភ្លេចនៅវីរភាពដ៏អង់អាចក្លាហានរបស់វីរៈកងទ័ពដែលកំពុងតែឈរជើងការពារនូវបូរណភាពទឹកដីនេះពីការឈ្លានពានរបស់សៀម (សមរភូមិក្រោយ គាំទ្រសមរភូមិមុខ)ក្នុងនាមរដ្ឋបាលខេត្តព្រមទាំងប្រជាពលរដ្ឋ សូមបួងសួងដល់ទេវតា ជួយបីបាច់ថែរក្សាដល់បងប្អូនកងទ័ពនៅសមរភូមិមុខ និងជួយឱ្យឈ្នះអស់មារសត្រូវទាំងឡាយដើម្បីការពារបូរណភាព និងទឹកដីរបស់កម្ពុជា ឱ្យបានរុងរឿងតទៅមុខទៀតផងដែរ ៕
មន្ទីរព័ត៌មាន ខេត្តកំពង់ស្ពឺ KSP Info Department
